Əliyev və Tramp xoş sözlər mübadiləsi aparıblar

Azərbaycan Prezidenti İlham Əliyev və ABŞ Prezidenti Donald Tramp

ABŞ Prezidenti Donald Tramp Azərbaycan Prezidenti İlham Əliyevin onun haqqında səsləndirdiyi fikirlərdən məmnun qalıb.

Amerika lideri özünün Truth Social sosial şəbəkəsində Əliyevin III Şuşa Qlobal Media Forumundakı çıxışından ABŞ və Donald Tramp ilə münasibətlərdən bəhs etdiyi hissəni paylaşıb.

https://truthsocial.com/@realDonaldTrump/posts/114893353003200271

Əliyev xüsusilə xatırladıb ki, bir il əvvəl oxşar forumda o, "Trampın qələbəsini proqnozlaşdırmamışdı". O bildirib: "Mən sadəcə dedim ki, bu, Azərbaycan xalqı üçün daha məqsədəuyğun olardı, çünki o da, biz də ailə dəyərləri daxil olmaqla, fundamental dəyərləri bölüşürük. O, müharibələrə başlamayan yeganə ABŞ prezidentidir. Və hakimiyyətdə olduğu qısa müddətdə görünür ki, o, müharibələri bitirən bir insandır. Biz ona şəxsən çox minnətdarıq ki, Azərbaycan və Ermənistana sonda razılığa gəlməkdə kömək etmək istəyir. Baxmayaraq ki, o, daha qlobal beynəlxalq təhlükəsizlik məsələləri ilə məşğuldur, Cənubi Qafqazdakı vəziyyəti də diqqət mərkəzində saxlayır. Biz Azərbaycanda, əlbəttə ki, onun qələbə çalmasından bir çox səbəblərdən məmnunuq və təbii ki, ona işini sona çatdırmasını, xüsusən də "Vaşinqton bataqlığı" ilə bağlı, onu tamamilə qurutmasını arzulayırıq", - deyə Azərbaycan prezidenti qeyd edib.

Əliyev öz növbəsində, X sosial şəbəkəsində Trampa Amerika prezidentinin şəxsiyyətinə və fəaliyyətinə verdiyi qiymətə diqqətinə görə təşəkkür edib.

"Mən Prezident Donald Trampa Şuşa Qlobal Media Forumunda danışdığım ABŞ-Azərbaycan tərəfdaşlığı və onun qlobal səviyyədə, eləcə də regionumuzda sülh gündəliyinə sadiqliyi barədə şərhlərimi sosial mediada paylaşdığı üçün təşəkkürümü bildirmək istərdim. Bir daha Prezident Trampın bütün dünyada, o cümlədən regionumuzda sülh və sabitliyin təşviqi istiqamətindəki baxışlarını və səylərini dəstəklədiyimizi vurğulamaq istəyirəm", - deyə Əliyev yazıb.

https://x.com/presidentaz/status/1947580165694853241?ref_src=twsrc%5Etfw%7Ctwcamp%5Etweetembed%7Ctwterm%5E1947580165694853241%7Ctwgr%5E57087ab49765361891b82104990563464de5eb45%7Ctwcon%5Es1_&ref_url=https%3A%2F%2Fhaqqin.az%2Fnews%2F354627

Tramp ilə "ailə ənənələrinin vacibliyi kimi ümumi dəyərləri" paylaşdığını vurğulayan Əliyev "Amerika-Azərbaycan münasibətlərinin onun prezidentliyi dövründə yeni səviyyəyə çatacağına" ümid etdiyini bildirib. Əliyev yekunlaşdıraraq dedi: "Biz ona bu məqsədə doğru bütün təşəbbüslərində uğurlar arzulayırıq."