Fernandu Santuş Azərbaycan millisində baş məşqçi vəzifəsindən azad edilib
- Obyektiv Media
- 5 days ago
- 1 min read
Tanınmış portuqaliyalı mütəxəssis Fernandu Santuş Azərbaycan milli komandasının baş məşqçisi vəzifəsindən azad edilib.
Bu qərar Azərbaycan komandasının sentyabrın 5-də D qrupu 2026-cı il Dünya Çempionatının seçmə mərhələsi çərçivəsində Reykyavikdə keçirilən matçda İslandiya yığmasına məğlub olmasından sonra qəbul edilib.
Santuşun sentyabrın 9-da Bakıda Ukrayna komandasına qarşı keçiriləcək D qrupunun 2-ci tur matçından əvvəl mətbuat konfransı keçirməli idi.
Lakin portuqaliyalı mütəxəssis tədbirə gəlməyib. Onun əvəzinə AFFA-nın baş katibi Cahangir Fərəcullayev gələrək Santuşla vidalaşdıqlarını açıqlayıb.
"Bu gün AFFA İcraiyyə Komitəsi Fernandu Santuşla müqaviləyə qarşılıqlı razılıq əsasında xitam verdi. Sabahkı matça komandanı Ayxan Abbasov (o, gənclər yığmasının baş məşqçisidir) çıxaracaq", - Fərəcullayev bildirib.
Santuş 2024-cü il iyunun 12-də Azərbaycan millisinə rəhbərlik edib.
Onun rəhbərliyi altında milli 11 oyun keçirib, onlardan 9-da məğlub olub və ikisində heç-heçə edib.
Comments