Bayramov və Mirzoyan arasında telefon danışığı olub

12 avqust 2025-ci il tarixində Azərbaycan Respublikasının xarici işlər naziri Ceyhun Bayramov və Ermənistan Respublikasının xarici işlər naziri Ararat Mirzoyan arasında telefon danışığı olub.

Telefon danışığı zamanı nazirlər Vaşinqtonda keçirilən sammitdə imzalanmış birgə bəyannamənin icrasını və etimad quruculuğu tədbirlərini müzakirə ediblər.

Nazirlər həmçinin regional məsələlər ətrafında fikir mübadiləsi aparıblar və birbaşa dialoqun davam etdirilməsinə hazır olduqlarını təsdiqləyiblər.