Bakı Məhkəməsi Müxalifətçi Bloqeri Qiyabi Həbsə Məhkum Etdi
- Obyektiv Media
- Sep 16
- 1 min read
Sentyabrın 15-də Bakı Binəqədi Rayon Məhkəməsi Fransada yaşayan azərbaycanlı bloger Məhəmməd Mirzəlinin cinayət işi üzrə prosesi yekunlaşdırıb.
Məhkəmə Mirzəlini qiyabi olaraq 6 il 6 ay müddətinə azadlıqdan məhrum edib.
Mirzəli Cinayət Məcəlləsinin 220.2-ci (kütləvi iğtişaşlar təşkil etmə) və 281.1-ci (hakimiyyətin zorla ələ keçirilməsinə açıq çağırışlar etmə) maddələri ilə təqsirli bilinib.
Mirzəli barəsində cinayət işi bu ilin martında Azərbaycan Baş Prokurorluğu tərəfindən açılıb. İyunun 3-də Binəqədi Rayon Məhkəməsi onun barəsində axtarış elan edib.
Mirzəli Azərbaycan hakimiyyətinin kəskin tənqidçisidir. 2021-ci ilin martında Fransada Mirzəliyə qarşı sui-qəsd cəhdi olub, o, çoxsaylı bıçaq xəsarətləri alıb.
Comments