Rusiyanın Polşaya hücumu

Sentyabrın 10-na keçən gecə, Rusiya Ukraynanın qərbinə kütləvi dron hücumu edərkən, Polşa öz ərazisi üzərində bir neçə pilotsuz təyyarəni vurub. Polşa hərbçiləri baş verənləri "aqressiya aktı" adlandırıb, Baş nazir Donald Tusk hökumətin təcili iclasını çağırıb.

Varşava aeroportu və bir neçə digər Polşa şəhərindəki aeroportlar bir neçə saatlıq bağlandı ki, bu da Rusiyanın Ukraynaya genişmiqyaslı işğalı dövründə Avropada ilk belə haldır.

BBC-nin məlumatına görə, Polşa Silahlı Qüvvələrinin baş komandanlığının bəyanatına əsasən, Rusiyanın Ukraynanın qərbinə endirdiyi zərbə zamanı pilotsuz təyyarələr dəfələrlə ölkənin hava məkanını pozub.

Hərbçilər radarların ondan çox obyekti qeydə aldığını və təhlükə törədə biləcək obyektlərin "zərərsizləşdirildiyini" bildirib, Polşanın hava məkanının pozulmasını "miqyasına görə görünməmiş" adlandırıblar.

"Hava məkanımıza daxil olan bəzi dronlar vurulub. Onların mümkün düşmə yerlərinin aşkar edilməsi və axtarış işləri davam edir," - Silahlı Qüvvələrin bəyanatında deyilir.

Əməliyyat yerli vaxtla təxminən saat 7:30-da başa çatdı, lakin vurulan pilotsuz təyyarələrin axtarışı davam edir.

Sərhəddə yerləşən Lublin Voyevodalığının rəhbərliyi polis tərəfindən Polşa hərbçiləri tərəfindən vurulan ən azı bir dronun tapıldığını bildirib.

Bundan başqa, Polsat News nəşrinin Lublin Polis İdarəsinin müfəttişinin müavininə istinadən verdiyi məlumata görə, Lublin Voyevodalığının Vıriki şəhərində dronun qalıqları yaşayış evinin damına və ərazidə park edilmiş avtomobilə ziyan vurub.

Polşa hökuməti Baş nazir Donald Tuskin yerli vaxtla saat 8:00-da Nazirlər Şurasının təcili iclasını çağırdığını bildirib.

Hücumdan bir neçə saat sonra Tusk Polşa üzərində vurulan dronların Rusiya pilotsuz təyyarələri olduğunu açıqlayıb. O bildirib ki, gecə "Polşanın hava məkanı çox sayda Rusiya pilotsuz təyyarəsi tərəfindən pozulub" və o, NATO-nun baş katibi Mark Rutte və müttəfiqlərlə "daimi əlaqədədir".

Həmin vaxta qədər Polşa hərbçiləri və rəsmiləri Polşanın hava məkanını pozan pilotsuz təyyarələri birbaşa Rusiya pilotsuz təyyarələri adlandırmamışdılar.

Polşanın ərazi müdafiə qüvvələrinin hərbçilərindən standart prosedurdan daha qısa müddətdə mümkün çağırışa hazır olmaları xahiş edilib.

Rusiyanın Müdafiə Nazirliyi hələlik insidentlə bağlı şərh verməyib.

Ölkənin ən böyük aeroportu olan Varşavadakı Şopen aeroportu gecə saatlarında qeyri-müəyyən müddətə bağlandığını elan edib. Flightradar24-ün məlumatına görə, səhər tezdən Varşavaya uçmalı olan bir neçə reys Katoviçe, Vrotslav və Poznan aeroportlarına yönəldilib.

ABŞ Federal Aviasiya İdarəsi daha əvvəl dörd Polşa aeroportunun, o cümlədən cənub-şərqdə Ukraynaya sərnişin və hərbi təchizat üçün əsas mərkəz olan Jəşuv-Yasionkanın müvəqqəti bağlandığını bildirib.

Varşava aeroportu yalnız bir neçə saat sonra açılıb. Aeroport administrasiyası hava əlaqəsindəki fasilənin gün ərzində uçuşların həyata keçirilməsinə təsir edə biləcəyi barədə xəbərdarlıq edib.

Ukrayna Silahlı Qüvvələrinin Hərbi Hava Qüvvələrinin məlumatına görə, gecə saatlarında ölkənin demək olar ki, bütün ərazisində, o cümlədən Polşa ilə sərhəddə yerləşən qərbdəki Volın və Lvov vilayətlərində hava həyəcanı elan edilib.Rusiyanın Polşaya hücumu

Sentyabrın 10-na keçən gecə, Rusiya Ukraynanın qərbinə kütləvi dron hücumu edərkən, Polşa öz ərazisi üzərində bir neçə pilotsuz təyyarəni vurub. Polşa hərbçiləri baş verənləri "aqressiya aktı" adlandırıb, Baş nazir Donald Tusk hökumətin təcili iclasını çağırıb.

Varşava aeroportu və bir neçə digər Polşa şəhərindəki aeroportlar bir neçə saatlıq bağlandı ki, bu da Rusiyanın Ukraynaya genişmiqyaslı işğalı dövründə Avropada ilk belə haldır.

BBC-nin məlumatına görə, Polşa Silahlı Qüvvələrinin baş komandanlığının bəyanatına əsasən, Rusiyanın Ukraynanın qərbinə endirdiyi zərbə zamanı pilotsuz təyyarələr dəfələrlə ölkənin hava məkanını pozub.

Hərbçilər radarların ondan çox obyekti qeydə aldığını və təhlükə törədə biləcək obyektlərin "zərərsizləşdirildiyini" bildirib, Polşanın hava məkanının pozulmasını "miqyasına görə görünməmiş" adlandırıblar.

"Hava məkanımıza daxil olan bəzi dronlar vurulub. Onların mümkün düşmə yerlərinin aşkar edilməsi və axtarış işləri davam edir," - Silahlı Qüvvələrin bəyanatında deyilir.

Əməliyyat yerli vaxtla təxminən saat 7:30-da başa çatdı, lakin vurulan pilotsuz təyyarələrin axtarışı davam edir.

Sərhəddə yerləşən Lublin Voyevodalığının rəhbərliyi polis tərəfindən Polşa hərbçiləri tərəfindən vurulan ən azı bir dronun tapıldığını bildirib.

Bundan başqa, Polsat News nəşrinin Lublin Polis İdarəsinin müfəttişinin müavininə istinadən verdiyi məlumata görə, Lublin Voyevodalığının Vıriki şəhərində dronun qalıqları yaşayış evinin damına və ərazidə park edilmiş avtomobilə ziyan vurub.

Polşa hökuməti Baş nazir Donald Tuskin yerli vaxtla saat 8:00-da Nazirlər Şurasının təcili iclasını çağırdığını bildirib.

Hücumdan bir neçə saat sonra Tusk Polşa üzərində vurulan dronların Rusiya pilotsuz təyyarələri olduğunu açıqlayıb. O bildirib ki, gecə "Polşanın hava məkanı çox sayda Rusiya pilotsuz təyyarəsi tərəfindən pozulub" və o, NATO-nun baş katibi Mark Rutte və müttəfiqlərlə "daimi əlaqədədir".

Həmin vaxta qədər Polşa hərbçiləri və rəsmiləri Polşanın hava məkanını pozan pilotsuz təyyarələri birbaşa Rusiya pilotsuz təyyarələri adlandırmamışdılar.

Polşanın ərazi müdafiə qüvvələrinin hərbçilərindən standart prosedurdan daha qısa müddətdə mümkün çağırışa hazır olmaları xahiş edilib.

Rusiyanın Müdafiə Nazirliyi hələlik insidentlə bağlı şərh verməyib.

Ölkənin ən böyük aeroportu olan Varşavadakı Şopen aeroportu gecə saatlarında qeyri-müəyyən müddətə bağlandığını elan edib. Flightradar24-ün məlumatına görə, səhər tezdən Varşavaya uçmalı olan bir neçə reys Katoviçe, Vrotslav və Poznan aeroportlarına yönəldilib.

ABŞ Federal Aviasiya İdarəsi daha əvvəl dörd Polşa aeroportunun, o cümlədən cənub-şərqdə Ukraynaya sərnişin və hərbi təchizat üçün əsas mərkəz olan Jəşuv-Yasionkanın müvəqqəti bağlandığını bildirib.

Varşava aeroportu yalnız bir neçə saat sonra açılıb. Aeroport administrasiyası hava əlaqəsindəki fasilənin gün ərzində uçuşların həyata keçirilməsinə təsir edə biləcəyi barədə xəbərdarlıq edib.

Ukrayna Silahlı Qüvvələrinin Hərbi Hava Qüvvələrinin məlumatına görə, gecə saatlarında ölkənin demək olar ki, bütün ərazisində, o cümlədən Polşa ilə sərhəddə yerləşən qərbdəki Volın və Lvov vilayətlərində hava həyəcanı elan edilib.