COP31-ə ev sahibliyi uğrunda mübarizəyə nöqtə qoyuldu: Türkiyə qəbul edəcək, Avstraliya danışıqları aparacaq

Türkiyənin Aralıq dənizi sahilindəki kurort şəhəri Antalya, 2026-cı ilin noyabrında faktiki olaraq COP31-in keçiriləcəyi məkan olacaq. Lakin danışıqları avstraliyalılar aparacaq. Belendə (Braziliya) keçirilən COP30-da çərşənbə axşamı əldə edilən qeyri-adi kompromis, sammiti qəbul etmək hüququ uğrunda üç ildir mübarizə aparan iki ölkə arasındakı gərginliyi aradan qaldırdı. Şanslar Avstraliyanın tərəfində idi, lakin beynəlxalq ictimaiyyət Ankara tərəfindən maneələrin yaradılmasından ehtiyat edərək onun təzyiqinə boyun əydi.

10-21 noyabr tarixlərində Belendə (Braziliya) keçirilən BMT İqlim Sammitinin bağlanmasına iki gün qalmış, olduqca mübahisəli olan "növbəti BMT İqlim Konfransı – COP31-i kim qəbul edəcək?" məsələsində nəhayət konsensus əldə edildi. Kanberra və Antalya arasında 2022-ci ildən bəri davam edən sərt mübarizə, çərşənbə günü axşam saatlarında iqlim siyasətinə cavabdeh olan nazirlər — Avstraliyanın İqlim və Energetika naziri Kris Bouen və Türkiyənin Ətraf Mühit, Şəhərsalma və İqlim Dəyişikliyi naziri Murat Kurum arasında prinsipcə razılığın əldə olunması ilə başa çatdı.

Beləliklə, COP31 Türkiyədə keçiriləcək, lakin sədrlik edən və danışıqları aparan tərəf Avstraliya olacaq.